ԵՐԵՎԱՆ, ՆՈՅԵՄԲԵՐ 17, 24News
«Հանրապետություն» կուսակցության նախագահ, «Մենք» դաշինքի ընտրական ցուցակը գլխավորող Արամ Սարգսյանի կարծիքով՝ Հայաստանը ծայրից ծայր սահմանամերձ հայրենիք է, ուստի բնական է, որ արարատցի լինելով հանդերձ, նա առաջադրվել է Երևանում՝ թիվ 1 ընտրական տարածքում՝ Ավան, Նոր Նորք, Քանաքեռ-Զեյթուն վարչական շրջաններում։ Այդ մասին Սարգսյանը գրառում է կատարել ֆեյսբուքյան էջում, ուր, մասնավորապես, նշել է.
«Գիտեմ, որ հարցնելու եք` ինչո՞ւ ես` արարատցիս, ուզում եմ լինել ձեր պատգամավորը: Որովհետեւ ինձ համար Հայաստանը ծայրից ծայր սահմանամերձ հայրենիք է, ու ես ուզում եմ ձեզ համար լինել այն պատգամավորը, որ խնդիրները լուծելու մեջ իմ ու քո չի տեսնում, տեսնում է «Մենք» ու մենքով է պայմանավորում բոլորիս ու յուրաքանչյուրիս հաջողությունը: Ստանալով ձեր ձայնը` պատրաստ եմ թիվ 1-ը լինել թիվ 1 ընտրատարածքում` ձեր կողքին ու ձեզ թիկունք: Դեկտեմբերի 9-ին մենք սկսում ենք մի ճանապարհ, որի հաջողությունը մեզնից է կախված ու մենք մենք ենք մեր որոշումների պատասխանատուն, մեր ընտրության տերը»։