ԵՐԵՎԱՆ, ՍԵՊՏԵՄԲԵՐԻ 2, 24News
Չեչնիայի Հանրապետության նախագահ Ռամզան Կադիրովի դուստրը՝ Այշաթ Կադիրովան, երկրի մշակույթի առաջին փոխնախարար է նշանակվել։ Այս մասին գրել է РИА Новости-ն։
«Այշաթ Կադիրովան երկրի մշակույթի առաջին փոխնախարար է նշանակվել»,-տելեգրամյան ալիքում հայտնել է Կադիրովը։
Պետության ղեկավարը մանրամասնել է, որ դուստրը նորաձևության տուն է ղեկավարել, որի հավաքածուներն աշխարհի շատ երկրներում են գնահատվում, բացի այդ՝ նա նաև ամբողջ աշխարհին չեչենական սովորույթներն ու ավանդույթներն է ցուցադրել:
Ըստ Չեչնիայի ղեկավարի՝ Կադիրովան բարդ ծրագրեր ղեկավարելու փորձ ունի։ Նա նշել է նաև՝ Կադիրովան ղեկավարել է մոդայի տունը, հավաքածուներ, որոնք գնահատվում են ամբողջ աշխարհում։
-- 00—ՄՀ