Վիճաբանություն և կրակոցներ Նորաշեն թաղամասում

ԵՐԵՎԱՆ,  ՍԵՊՏԵՄԲԵՐԻ 3, 24News  

կրակոցց.jpg

Սեպտեմբերի 2-ին, ժամը 22.20-ին, ոստիկանության Մաշտոցի բաժին հաղորդում էր ստացվել, որ Նորաշեն թաղամասի շենքերից մեկի մոտ վիճաբանում են, նաև կրակոցի ձայն է լսվել: Այս մասին հայտնում են Ոստիկանությունից: 

Մեկնած օպերատիվ խումբը պարզել է, որ ժամը 22.00-ի սահմաններում թաղամասի չորս բնակիչ վիճաբանել են, իսկ նրանցից մեկը գազային ատրճանակից 2 անգամ կրակել է: Վիճաբանության մասնակիցներից մեկն ու ատրճանակից կրակողը բերման են ենթարկվել Մաշտոցի բաժին և տվել խոստովանական բացատրություն:

Ատրճանակը հայտնաբերվել և առգրավվել է: Դեպքի վայրի զննությամբ հայտնաբերվել է 2 կրակված պարկուճ: Նշանակվել են փորձաքննություններ: Նախապատրաստվում են նյութեր:

--00--ԱԹ