ԵՐԵՎԱՆ, ՍԵՊՏԵՄԲԵՐԻ 16, 24News
ՀՀ ոստիկանության ծառայողներն ԱԺ շենքի մոտից ոստիկություն են բերման ենթարկել չորս քաղաքացու։ Այս մասին 24News-ին հայտնեցին ՀՀ ոստիկանության լրատվության վարչությունից։
«Քաղաքացիները բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողի օրինական պահանջը չկատարելու համար»,-ասաց ոստիկանության լրատվական ծառայության աշխատակից Զարզանդ Գաբրիելյանը:
Նշենք, որ ՀՀ վարչական իրավախախտումների վերաբերյալ օրենսգրքի 182-րդ հոդվածը վերաբերում է հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության զորքերի զինծառայողի կամ ոստիկանության ծառայողի օրինական պահանջը չկատարելուն:
Հիշեցնենք, որ սեպտեմբերի 16-ին Ազգային ժողովի դիմաց մի շարք բողոքի ակցիաներ են տեղի ունեցել։ Նախ բողոքի ակցիա են իրականացրել տնտեսվարողները, ապա «Լուսավոր Հայաստան» կուսակցության անդամները։
Սոնա Գևորգյան
--0--ԿԿ