Այնթապ գյուղում բռնկված հրդեհը մարվել է

ԵՐԵՎԱՆ, ՍԵՊՏԵՄԲԵՐԻ 19, 24News 

հասարակական

Սեպտեմբերի 19-ին, ժամը 14։49-ին Արարատի մարզային ճգնաժամային կառավարման կենտրոն ահազանգ է ստացվել, որ Այնթապ գյուղից դեպի «Զոնալ» թաղամաս տանող հատվածում ծառեր են այրվում։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ հրդեհը է բռնկվել Այնթապ գյուղի «Զոնալ» թաղամասի վերջնամասում գտնվող հողատարածքում:

Հրդեհը մեկուսացվել է ժամը 15:13-ին, մարվել`15:37-ին: Այրվել է մոտ 1500 քմ խոտածածկույթ և մասնակի ջերմահարվել՝ 30 պտղատու ծառեր:

--0--ԿԿ