Անկախությունը մեզ տվել է քաղաքական հասունություն և քաղաքացիական բարձր գիտակցություն

ԵՐԵՎԱՆ, ՍԵՊՏԵՄԲԵՐԻ 21, 24News 

Ցոլակյան

ՀՀ ԱԻ նախարար Ֆելիքս Ցոլակյանը շնորհավորել է ՀՀ անկախության 29-րդ տարեդարձի առթիվ: 

«Սիրելի՛ հայրենակիցներ, շնորհավորում եմ բոլորիս մեր ժողովրդի ամենանվիրական՝ Անկախության տոնի առթիվ:

29 տարի առաջ սեպտեմբերի 21-ին իր սեփական ճակատագիրը տնօրինելու վճռականություն ցուցաբերած մեր ժողովուրդն ստանձնեց և հաստատակամ կերտում է իր պատմությունը՝ ստեղծելով և կայացնելով պետականության կարևորագույն ենթակառուցվածքները:

Այս տարիների ընթացքում մենք կարողացել ենք պատվով հաղթահարել արտաքին և ներքին ամենատարբեր մարտահրավերներն ու դժվարությունները:

Այսօր վստահաբար կարող ենք փաստել, որ ունենք հայոց սահմաններն ամուր պահող մարտունակ բանակ, իր իրավունքները պաշտպանելու ունակ քաղաքացի և որ ամենակարևորն է՝ մեր երկրի ապագային հավատացող երիտասարդություն:

Սիրելի՛ հայրենակիցներ, անկախությունը մեզ տվել է քաղաքական հասունություն և քաղաքացիական բարձր գիտակցություն: Այս օրը սրբազան խորհուրդ ունի, և մենք պարտավոր ենք այն իր ողջ պատասխանատվությամբ փոխանցել սերունդներին:

Անսահման հաջողություններ ու արևշատություն եմ մաղթում ձեզ ու ձեր ընտանիքներին: Շնորհավո՛ր Անկախության տոնը: Խիղճ և խաղաղություն բոլորիս»: 

--00—ՄՀ