4-ամյա երեխան «Մեգամոլում» մետաղյա ձողով վնասել է աչքը․ ծնողը ահազանգում է

ԵՐԵՎԱՆ, ՍԵՊՏԵՄԲԵՐԻ 21, 24News

երեխա
SHAMSHYAN.com-ն ահազանգ է ստացել Երևանի բնակչուհի Արմինե Միրիբյանից․ վերջինս հայտնել է, որ «Մեգամոլ» առեւտրի կենտրոնի «LC Waikiki» բաժնում իր 4-ամյա երեխան վնասել է աչքը, ինչի պատճառը անվտանգության կանոնների բացակայությունն է:

Ըստ աղբյուրի՝ թղթակցի հետ զրույցում Միրիբյանն ասել է. «Երեխեն Մեգամոլում ծնողի կողքը կանգնած աչքը մտցրել է երկաթե սուր ձոխի մեջ, ոչ մի անվտանգության ստանդարտի այդ ձողերը չեն համապատասխանում, իմ ամբողջ խնդիրը նրանում է, որ այդ ձողերը փոխեն, կամ սիլիկոններ դնեն, որ ուրիշ երեխաների աչքը չթափվի, սա եղել ա մանկական բաժնում, բայց ոչ մի մանկական ստանդարտներ չեն պահպանվում: Երեխեն կոշիկ է վերցրել, որ նայի, վերցնելուց աչքը խփել է ձողին»։

Միրիբյանը կատարվածի մասին տեղեկացրել է տնօրիենին, վերջինս էլ պատասխանել է․ «Ում հետ ուզում ես, արի՛, ուզո՞ւմ ես՝ իրավաբանի հետ արի՛, նոր հավասարը հավասարի հետ կխոսենք, մեկ էլ ասեց, որ նամակ գրեմ, որը պետք է ուղարկի Թուրքիա, քանի որ այնտեղից են վերցրել ապրանքը»:

--00—ԼՄ