ԵՐԵՎԱՆ, ՍԵՊՏԵՄԲԵՐԻ 24, 24News
Թուրքիայում սեպտեմբերի 23-ին նոր տիպի կորոնավիրուսից (Covid-19) մահացել է 72 մարդ։ Այս մասին Ermenihaber-ի հաղոդրմամբ՝ տեղեկությունը հրապարակվել է Թուրքիայի առողջապահության նախարարության կայքէջում։
Նշվում է, որ 1 օրում անցկացված 112.102 թեստի արդյունքում հաստատվել է կորոնավարակի 1․767 նոր դեպք։ Նույն ժամանակահատվածում գրանցվել է ապաքինման 1.027 դեպք:
Ըստ պաշտոնական տվյալների` մինչև օրս համավարակից ապաքինվել է 270.723 մարդ, իսկ 1.561 հիվանդ էլ գտնվում է վերակենդանացման բաժանմունքում։
Մինչև այժմ Թուրքիայում ընդհանուր առմամբ արձանագրվել է վարակման 308.069 և մահվան 7․711 դեպք։ Թեստավորումների թիվը հասել է 9 մլն 608.370-ի։
--00—ՄՀ