ԵՐԵՎԱՆ, ՍԵՊՏԵՄԲԵՐԻ 27, 24News
ՊՆ ներկայացուցիչ Արծրուն Հովհաննիսյանը հիշեցրել է, որ հակառակորդը հարձակում է գործել 1920 թվականի թուրք-հայկական պատերազմի օրը:
«Փաստորեն, ադրբեջանական բանակ չկա, կա թուրք-ադրբեջանական բանակ, որը հարձակում է իրականացնում 1920 թ. թուրք-հայկական պատերազմի օրը»,-գրել է Արծրուն Հովհաննիսյանը:
Հիշեցնենք, որ վաղ առավոտյան, շփման գծի ողջ երկայնքով թշնամին օդային և հրթիռային ակտիվ հերտակոծություն է սկսել: Հրետակոծվում են նաև խաղաղ բնակավայրերը, այդ թվում՝ մայրաքաղաք Ստեփանակերտը: Բնակչությանը կոչ ենք անում պատսպարվել:
Հայկական կողմը հայտարարել է, որ պատասխանը լինելու է համաչափ, և իրավիճակի ողջ պատասխանատվությունը կրելու է Ադրբեջանի ռազմաքաղաքական ղեկավարությունը և անձամբ Իլհամ Ալիևը:
Մարտունու շրջանում երկու անձ է զոհվել՝ 1 կին ու 1 երեխա, կա 2 վիրավոր: Զինվորականների շրջանում կա 10 զոհ:
Արցախում և Հայաստանում հայտարարվել է ռազմական դրություն և համատարած զորահավաք։
--00—ԼՄ