Ամենայն Հայոց Կաթողիկոսը հեռախոսազրույց է ունեցել ՀՀ նախագահի հետ

ԵՐԵՎԱՆ, ՍԵՊՏԵՄԲԵՐԻ 27, 24News

նախագահ կաթողիկոս

Սեպտեմբերի 27-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը հեռախոսազրույց է ունեցել Հայաստանի Հանրապետության Նախագահ Արմեն Սարգսյանի հետ։

Վեհափառ Հայրապետը և ՀՀ Նախագահը անդրադարձել են Ադրբեջանի կողմից սանձազերծված ագրեսիայի պայմաններում աշխարհասփյուռ հայության ներուժի համախմբման ուղիներին, ՀՀ իշխանությունների եւ ազգային առաջնորդների կողմից ձեռնարկվելիք քայլերին։

Վեհափառ Հայրապետը տեղեկացրել է ավելի վաղ Հռոմի Սրբազան Քահանայապետ Ֆրանցիսկոս Պապի հետ ունեցած հանդիպման արդյունքների, ինչպես նաև ստեղծված իրավիճակում իր այցի մնացյալ հանդիպումների չեղարկման և Հայաստան վերադարձի մասին։