Բարերար Ջորջ Բաղումյանը 1 միլիոն դոլար է նվիրաբերում «Իմ քայլը» հիմնադրամին․ Աննա Հակոբյան

ԵՐԵՎԱՆ,  ՍԵՊՏԵՄԲԵՐԻ  29,  24News 

․

«PMA Venture Capital» խմբի հիմնադիր, Մեծ հայրենասեր և բարերար Ջորջ Բաղումյանը 1 միլիոն դոլար է նվիրաբերում իմ գլխավորած «Իմ քայլը» հիմնադրամին։ Այդ մասին Ֆեյսբուքի էջում գրել է վարչապետի տիկին Աննա Հակոբյանը։ 

«Եթե ասեմ՝ ՇՆՈՐՀԱԿԱԼ ԵՄ, կնշանակի ոչինչ չասացի։

Ուզում եմ պարզապես վստահեցնել, որ այդ գումարն ամբողջությամբ՝ միանվագ ճանապարհով (կախված պատերազմական իրավիճակի հետագա ընթացքից) կամ դրա յուրաքանչյուր ցենտը՝ երկարաժամկետ կտրվածքով, կծախսվի բացառապես ի շահ մեր պետության եւ ժողովրդի։ Եվ ես հաշվետու եմ ծախսված ամեն լումայի համար։

Հ.Գ. Մեծանուն բարերարը հուլիսյան մարտերի օրերին էլ 250 հազար դոլար էր փոխանցել մեզ՝ «զինվորների համար»։ ՀՀ ՊՆ նախարարի հետ ունեցած քննարկումների արդյունքում՝ այդ գումարի մի մասը կուղղվի Հայաստանի և Արցախի զորամասերում կարևոր նշանակության վերանորոգման աշխատանքներին, մյուս մասը զինվորների վերականգնողական բուժմանը»,- գրել է Ա․Հակոբյանը։

--00--ԱՀ

Տեսանյութեր

Live

Լրահոս