Թբիլիսին պատրաստ է Հայաստանի ու Ադրբեջանի իշխանությունների հանդիպում կազմակերպել

ԵՐԵՎԱՆ,  ՍԵՊՏԵՄԲԵՐԻ  30,  24News 

Ալիև Նիկոլ

Վրաստանի վարչապետ Գեորգի Գախարիան հայտարարություն է տարածել՝ կապված ԼՂ հակամարտության գոտում տիրող իրավիճակի հետ:

«Ադրբեջանի ու Հայաստանի միջև հերթական ռազմական բախման հետևանքով ստեղծվել է դժվար իրավիճակ, կան բազմաթիվ զոհեր և ցավոք, ռազմական գործողությունների դադարումն ու երկխոսության վերսկսումն առայժմ հավանական չի թվում:

Մենք բոլորս հասկանում ենք, որ իրավիճակի հետագա սրումը բացասական ազդեցություն կունենա ամբողջ տարածաշրջանի անվտանգության վրա: Մենք կրկին կոչ ենք անում ԵԱՀԿ Մինսկի խմբի համանախագահներին և միջազգային խաղացողներին՝ առավելագույնս օգտագործել իրենց հնարավորությունները՝ իրավիճակի այս սրմանը վերջ դնելու և երկխոսությունը վերսկսելու համար»,- ասված է հայտարարության մեջ:

Գախարիան շեշտել է, որ Վրաստանը բարիդրացիական հարաբերություններ ունի թե Ադրբեջանի, թե Հայաստանի հետ: Կառավարության ղեկավարը նշել է, որ Վրաստանը պատրաստ է ամեն կերպ աջակցել տարածաշրջանում հնարավորինս արագ խաղաղություն հաստատելու գործընթացին, պատրաստակամություն հայտնել հակամարտող կողմերի ներկայացուցիչների երկխոսության հնարավորություն ստեղծել՝ Թբիլիսիում հանդիպում կազմակերպելով:

--00--ԱԹ

Տեսանյութեր

Live

Լրահոս