Հարազատ եղբայրս 1-ին օրից առաջնագծում է, ասում է՝ հզոր ենք․ հաղթելու ենք․ նախագահի խոսնակ

ԵՐԵՎԱՆ,  ՀՈԿՏԵՄԲԵՐԻ 5,  24News   

զինվոր

Արցախի նախագահի խոսնակ Վահրամ Պողոսյանը ֆեյսբուքյան իր էջում լուսանկար է հրապարակել, որին կից գրել է․ 

«Հարազատ եղբայրս է, ով առաջին իսկ օրվանից առաջնագծում է: Արդեն մասնակցել է մեր մի քանի դիրքերի վերականգնման ռազմագործողություններին: Երբ հարցնում եմ որպիսության մասին, ասում է՝ թուրքերը դեռ ներողություն չե՞ն խնդրել: Հզոր ենք: Հաղթելու ենք:

Հպարտ եմ:  Հ.գ. Լուսանկարը՝ 2016թ.-ի պատերազմից

ՎՊ

»։

Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։

Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։

--00—ՄՀ