ԵՐԵՎԱՆ, ՀՈԿՏԵՄԲԵՐԻ 7, 24News
Արցախում վիրավորված Մեղրիի քաղաքապետ Մխիթար Զաքարյանի մամուլի խոսնակը՝ Մարիամ Ծատրյանը, հայտնում է, որ քիչ առաջ խոսել է Մեղրի համայնքի ղեկավարի հետ։
«4 ժամ տևած վիրահատությունը (ուսից֊արմունկ՝ ոսկրային) ավարտվել է։ Իրեն արդեն լավ էր զգում և ամուր։
Կարևոր ընդգծում. համայնքի ղեկավար Մխիթար Զաքարյանը վիրավորումը ստացել է ոչ թե Մեղրիի դիրքերում, այլ Արցախի հարավում։
Մեղրիում իրավիճակը հանգիստ է»,-գրել է Մարիամ Ծատրյանը։
Ավելի վաղ հայտնել էինք, որ Արցախի հարավում հակառակորդի հրետանուց արձակված կրակից վիրավորում է ստացել Մեղրի համայնքի ղեկավար Մխիթար Զաքարյանը. նրան տեղափոխել են Երևան, ցուցաբերվել է անհրաժեշտ բուժօգնություն, վիճակը ներկայում կայուն է:
--00—ԼՄ