Ադրբեջանին զենքով, մարդկային ռեսուրսով սնելու ճանապարհը պետք է փակվի, ինչ գնով էլ լինի

ԵՐԵՎԱՆ, ՀՈԿՏԵՄԲԵՐԻ 13, 24News

տիգրան աբրահամյան

Արցախի նախագահի նախկին խորհրդական Տիգրան Աբրահամյանը ֆեյսբուքյան էջում գրել է, որ եթե հնարավոր չի կրակի դադարեցման հասնել, պետք է գործուն ջանքեր գործադրել դեպի Ադրբեջան ռազմական մատակարարումները դադարեցնելու կամ նվազագույնին հասցնելու ուղղությամբ։

«Օրեր առաջ ասել եմ, այսօր էլ ասում եմ՝ եթե հնարավոր չի կրակի դադարեցման հասնել, պետք է գործուն ջանքեր գործադրել դեպի Ադրբեջան ռազմական մատակարարումները դադարեցնելու կամ նվազագույնին հասցնելու ուղղությամբ։

Այս պատերազմը մաշեցրել է Ադրբեջանին, սակայն տարբեր երկրներից, տարատեսակ մատակարարումներով՝ սպառազինություն, զինամթերք, մարդկային ռեսուրս, փորձ է արվում սնուցել նրան։

Այդ ճանապարհը պետք է փակվի՝ ԻՆՉ ԳՆՈՎ ԷԼ ԼԻՆԻ՝ դիվանագիտական, ԹԵ ՄԵԿ ԱՅԼ ՁԵՎՈՎ»,-նշել է նա։

--00—ԼՄ