ԵՐԵՎԱՆ, ՀՈԿՏԵՄԲԵՐԻ 13, 24News
Համազգային նվիրատվության արշավի շրջանակներում Իզմիրլյան Հիմնադրամը $ 500,000 ԱՄՆ դոլար է նվիրաբերել «Հայաստան» համահայկական հիմնադրամին՝ ազգի պահպանմանն ուղղված իր առաքելությանը համահունչ և ի լրումն բազմաթիվ բարեգործական և զարգացման ծրագրերի, որոնք ֆինանսավորվել են Իզմիրլյան հիմնադրամի՝ Հայաստանում ավելի քան քսանհինգ տարվա գործունեության ընթացքում:
Հիմնադրամը նշում է, որ այս նվիրատվությունը նախատեսված է մեր ազգի պատմության այս կարևոր ժամանակահատվածում Հայաստանի և Արցախի առաջնային կարիքները հոգալու համար:
Յուրաքանչյուր նվիրատվություն կյանքեր է փրկում Արցախում։
Միացի՛ր համահայկական շարժմանը: Արա՛ քո քայլը հենց հիմա՝
Նշենք, որ այս պահին «Հայաստան» համահայկական հիմնադրամին է փոխանցվել մոտավորապես 110 մլն ԱՄՆ դոլար:
Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։
Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։
--00—ՄՀ