ԵՐԵՎԱՆ, ՀՈԿՏԵՄԲԵՐԻ 15, 24News
Հայկական արմատներով ֆրանսիացի դերասան Սիմոն Աբգարյանի նամակ է գրել Թուրքիայի նախագահ Ռեջեբ Թայիբ Էրդողանին, հրապարակել է ֆրանսիական «Le Figaro»-ն:
«Մենք՝ հայերս, պայքարում ենք մեր երեխաների ապագայի համար՝ հիշելով մեր մահացածներին, որոնք երկրորդ անգամ հրաժարվում են մահանալ:
Չնայած ձեր զենքին, չնայած ձեր կրոնական կարգախոսներին, չնայած ձեր ջիհադիստներին, որ ամիսը 2,000 դոլար են ստանում, դուք չեք հաղթի:
Վերցրե՛ք ձեր մեռելներին ու հեռացե՛ք: Հայերի երկիրը գիտելիքների երկիր է, մեղրի ու վարդերի երկիր: Դուք չգիտեք՝ ինչ անել դրա հետ: Այստեղ կանայք ուրախության թագուհիներ են:
Այստեղ երաժշտությունն ու գինին անփոխարինելի սպեղանի են: Այստեղ կարող ես հավատալ կամ չհավատալ: Քանի որ մեր երկիրը երկիր չէ, այն խաչմերուկ է: Իսկ դուք գիտե՞ք՝ ով է անցնում այստեղից… ամբողջ մարդկությունը:
Եթե մտածում եք մեզ գառների պես մորթելու մասին, իմացե՛ք, որ մենք մեծացել ենք առյուծ մայրերի արգանդում»,-գրել է հայազգի դերասանը:
--00—ԼՄ