ԵՐԵՎԱՆ, ՀՈԿՏԵՄԲԵՐԻ 22, 24News
Մայր Աթոռ Սուրբ Էջմիածնում շարունակվում են նվիրատվությունները աշխարհասփյուռ թեմերից, որոնք փոխանցվում են «Հայաստան» համահայկական հիմնադրամին՝ հայտնում են Մայր Աթոռից:
«Մայր Աթոռ Սուրբ Էջմիածնում շարունակում են ստացվել Հայաստանյայց Առաքելական Սուրբ Եկեղեցու աշխարհասփյուռ թեմերում և համայնքներում ի զորակցություն Արցախի հանգանակված նվիրատվություններ, որոնք փոխանցվում են «Հայաստան» համահայկական հիմնադրամին։
Ռուսաստանի և Նոր Նախիջևանի հայոց թեմից փոխանցվել է ևս 8 միլիոն ռուբլի գումար, Կանադայի հայոց թեմից՝ 250 հազար ԱՄՆ դոլար։
Ռումինիայի հայոց թեմից ստացվել է 13300 ԱՄՆ դոլար, Ամստերդամի Սուրբ Հոգի եկեղեցուց՝ 5000 եվրո, Միլանի համայնքից՝ 2300 եվրո գումար։
Բարերար Հարություն Մխչյանի կողմից հատկացվել է 10 հազար ԱՄՆ դոլար»,- ասված է հաղորդագրության մեջ։
--0--ԿԿ