ԵՐԵՎԱՆ, ՀՈԿՏԵՄԲԵՐԻ 22, 24News
Ըստ կինոռեժիսորի՝ Արցախում ընթացող պատերազմը նման չէ իր տեսած պատերազմներին, ինքն էլ Աֆղանստանում և Իրաքում է ծառայել ժամանակին:
«Մարդիկ այստեղ կռվում են այն հողի համար, որն իրենց հայրենիքն են համարում, որտեղ ապրել և արյուն են թափել իրենց հայրերն ու նախնիները։ Այնպես, որ այս պատերազմը շատ անձնական է նրանց համար»,- ասել է Էմիլ Հեսսեն։
Ըստ նրա՝ մարտական ոգին բարձր է զինվորների շրջանում, թեև ավագ սերունդը հոգնել է և վախենում է պատերազմից։
Կինոռեժիսոր նկատում է նաև, որ Արցախի դեմ պատերազմը Ադրբեջանն ու Թուրքիան հրահրել են այն ժամանկ, երբ ամբողջ աշխարհը պայքարում է կորոնավիրուսի դեմ, իսկ ԱՄՆ-ն պատրաստվում է նախագահական ընտրություններին։
«ԶԼՄ-ները չեն հետաքրքրվում՝ ինչ է կատարվում հեռավոր երկրներում՝ Հայաստանում և Ադրբեջանում: Մարդկանց մեծ մասը չի լսել այդ երկրների մասին և նույնիսկ չեն կարող քարտեզի վրա ցույց տալ դրանց տեղը»,- ասել է նա։
Էմիլ Հեսսեն նաև պատասխանում է այն հարցին, թե ինչո՞ւ պատերազմի ժամանակ չգնաց Բաքու: Ըստ նրա՝ ինքը մուտք չունի Բաքու, և քրդերի հետ ունեցած պատմության պատճառով իր համար ավելի անվտանգ էր գալ Հայաստան:
--00—ԼՄ