ԵՐԵՎԱՆ, ՀՈԿՏԵՄԲԵՐԻ 24, 24News
Անկարան թուրքական Քուրդիստանից 1200 լեռնային հատուկջոկատայիններ է ուղարկել Բաքու, ապա նաև՝ ռազմաճակատ: Նրանք գործում են Արցախի լեռնաշխարհում: Այդ մասին հայտնում է WarGonzo-ի՝ Ստամբուլի աղբյուրը:
Ըստ աղբյուրի՝ Թուրքիայից ժամանած հատուկջոկատայինները ստիպված են եղել փոխարինել ադրբեջանական հատուկ նշանակության ջոկատներին, որոնք չեն կարող դիմակայել Արցախի լեռներում պարտիզանների և աշխարհազորայինների հետ ուղիղ բախմանը: Խոսքը հիմնականում հարավային ճակատի և Ջաբրայիլ-Հադրութ ուղղության մասին է:
Հիշեցնենք, որ գիշերվա ընթացքում արցախա-ադրբեջանական հակամարտության գոտում պահպանվել է հարաբերական կայուն-լարված իրադրություն: Առանձին հատվածներում շարունակվել են հրետանային մենամարտերն ու փոխհրաձգությունները: Երեկոյան թշնամական ուժերը հրետակոծել են խաղաղ բնակավայրերը, այդ թվում՝ մայրաքաղաք Ստեփանակերտը: Ներկայումս տեղային նշանակության մարտեր են ընթանում ճակատային գծի բոլոր ուղղություններում:
--00—ԼՄ