ԵՐԵՎԱՆ, ՀՈԿՏԵՄԲԵՐԻ 25, 24News
Արցախում լրագրողների խումբը հանդիպել է ադրբեջանական դիվերսիոն խմբավորման: Այս մասին հայտնում է Wargonzo բլոգը վարող լրագրող Սեմյոն Պեգովը՝ հայտնելով, որ լրագրողների թվում է եղել նաև իր գործընկեր, ռազմական թղթակից Կրիստինա Մելնիկովան:
Վերջինս բլոգին տրված բացառիկ հարցազրույցում մեկնաբանել է իրավիճակը.
«Մենք մեկնել էինք Ավերատարանոց (նախկին Չանախչի) գյուղ՝ խաղաղ բնակիչների հետ շփվելու համար: Այնտեղ վերջերս հարվածներ են եղել, որքանով ինձ է հայտնի, խաղաղ բնակիչների շրջանում ևս վիրավորներ են եղել: Գյուղում, սակայն, պարզվում է՝ հանգիստ չէր:
Ճանապարհին մեզ հանդիպած աշխարհազորից տեղեկացրին, որ գյուղի տարածքում դիվերսիոն-հետախուզական խմբերի ակտիվություն է նկատվում, որ նրանք անտառին շատ մոտ են, որ կռիվ է սպասվում, հրետանային հարված: Լրագրողներին խնդրեցին թաքնվել, քանի որ իրավիճակն անկանխատեսելի է:
Աշխարհազորը գնաց՝ հարձակմանը դիմագրավելու, իսկ ուղեկցողները լրագրողներին դուրս բերեցին, քանի որ վտանգը, նրանց պնդմամբ, շատ լուրջ էր»:
--00--ԱԹ