Վլադիմիր Հակոբյանը և Սամուել Սևյանն օգնել են գումար հավաքել «Հայաստան» հիմնադրամի համար

ԵՐԵՎԱՆ, ՀՈԿՏԵՄԲԵՐԻ 27, 24News

սպորտ

Ամերիկայի շախմատի ակադեմիան «Հայաստան» համահայկական հիմնադրամին օգնելու նպատակով կազմակերպել է առցանց շախմատային մրցաշար, հայտնում է Հայաստանի շախմատի ֆեդերացիայի մամուլի ծառայությունը:

Մասնակցել են Համաշխարհային Օլիմպիադայի ու աշխարհի թիմային առաջնության հաղթող Վլադիմիր Հակոբյանն ու ամերիկահայ շախմատիստ Սամուել Սևյանը: Նրանք մրցել են միաժամանակ 18 և 13 սիրողական շախմատիստների հետ:

Համընդհանուր նվիրատվությունների արդյունքում հաջողվել է հավաքել 2060 դոլար: Շախմատի ակադեմիայի մարզիչների շնորհիվ գումարը կազմել է 2500 դոլար: Ամբողջ հասույթը կփոխանցվի «Հայաստան» համահայկական հիմնադրամին:

Ամերիկայի շախմատի ակադեմիայից հայտնել են, որ ևս 1500 դոլար փոխանցվել է Հայաստանի շախմատի ակադեմիային, որն այս օրերին հյուրընկալել է արցախցիների:

--0--ԿԿ

Տեսանյութեր

Live

Լրահոս