ԵՐԵՎԱՆ, ՀՈԿՏԵՄԲԵՐԻ 31, 24News
ՀՀ առաջին նախագահ Լևոն Տեր-Պետրոսյանը ilur.am-ում տեսակետ է հայտնել քաղաքական վերջին իրադարձությունների վերաբերյալ, որը ներկայացնում ենք ստորև․
«Նիկոլը խնդրագիր է ուղարկել Վլադիմիր Պուտինին։
Պուտինը դրան պատասխանել է ՌԴ ԱԳՆ խողովակով։
Չե՞ք հասկանում, թե նա ինչ է ասել։ Եթե սա էլ չեք հասկանում, ապա՝ վա՜յ մեզ։
Պուտինն ամենայն անկեղծությամբ ու պարկեշտությամբ ընդամենն ասել է․ Պարտավորված և պատրաստ եմ ապահովելու Հայաստանի լիակատար անվտանգությունը, բայց վերջապես հասկացե՛ք, ես Ղարաբաղի հարցը ձեր փոխարեն լուծողը չեմ»։
ՀՀ վարչապետ Նիկոլ Փաշինյանը դիմել է Ռուսաստանի Դաշնության նախագահ Վլադիմիր Պուտինին ՝ խնդրելով սկսել խորհրդակցություններ ՀՀ-ի անվտանգության ապահովման գործում օժանդակության չափն ու ձևը որոշելու համար։ Ի պատասխան՝ ՌԴ ԱԳՆ-ն հայտարարել է, որ Ռուսաստանն անհրաժեշտ օգնություն կտրամադրի Երևանին, եթե ռազմական բախումները տեղափոխվեն անմիջապես Հայաստանի Հանրապետության տարածք։
--00—ԼՄ