ԵՐԵՎԱՆ, ՆՈՅԵՄԲԵՐԻ 5, 24News
Վրաստանի սեյսմիկ մոնիտորինգի ազգային կենտրոնը հայտնում է, որ 3.5 բալ ուժգնությամբ կրկնակի երկրաշարժ է տեղի ունեցել Օնի քաղաքից (Ռաչա-Լեչխումի և Քվեմո Սվանեթի շրջան) 9 կմ հարավ՝ Թբիլիսիի ժամանակով 23:57-ին: Ավերածությունների մասին տեղեկություններ չկան:
Դրանից մի քանի ժամ առաջ՝ 18:04-ին և 18:05-ին, 3.5 բալ ուժգնությամբ երկրաշարժ է տեղի ունեցել Օնի քաղաքից 10 կմ հեռավորության վրա և Սաչխերե քաղաքից (Իմերեթի շրջան) 10 կմ հեռավորության վրա: Այստեղ էպիկենտրոնը գտնվել է 5 կմ խորության վրա:
Կենտրոնի տվյալների համաձայն՝ մեկ օրվա ընթացքում երրորդ երկրաշարժի էպիկենտրոնը գտնվել է 12 կմ խորության վրա:
Հիշեցնենք, որ օրերս 6,9 մագնիտուդ ուժգնությամբ երկրաշարժ էր գրանցվել նաև Թուրքիայի Իզմիր քաղաքում: Զոհերի թիվը 100-ից ավելի է, ավելի քան 1000 մարդ տուժել է, կան ամբողջությամբ փլված և կիսափլված շենքեր:
--00—ԼՄ