Ադրբեջանը 1-2 շաբաթից զինադադար է խնդրելու․ «գյորբագյոռ» օպերացիան արդյունք է ունենալու

ԵՐԵՎԱՆ, ՆՈՅԵՄԲԵՐԻ 6, 24News

Պատերազմը երկրորդ փուլ է տեղափոխվել։ Մեկ-մեկուկես շաբաթից, եթե մերոնք լուրջ հակահարված տան ու անցնեն հարձակման, Իլհամ Ալիևն է ուղղակի զինադադար խնդրելու։ Այս մասին 24TV-ի «Հարցազրույց» հաղորդման եթերում ասել է «Հանրապետություն» կուսակցության ղեկավար Արամ Սարգսյանը։

«Երկու կողմն էլ ուժերի կենտրոնացման, վերազինման գործընթաց են տանում։ Մեկ-մեկուկես շաբաթում մերոնք կարողանալու են թշնամուն ոչ միայն թույլ չտալ, որ այդ դիրքերում խնդիրներ առաջացնեն, այլև, ինչպես «գյոռբագյոռ օպերացիայի» առաջին փուլում,  զոհեր ու զենտիխնիկա կորցնելով՝ ադրբեջանական զորքերին կստիպեն փախուստի դիմել։ Բավական է երկու-երեք նման օպերացիա, որ Ալիևը հասկանա, որ այս խնդրում արդեն պատերազմի ժամանակի ձգումն իր համար բարենպաստ չէ։ 

Մեկ-երկու շաբաթ հետո Ադրբեջանը կարող է առաջարկել՝ եկե՛ք բանակցության։ Կհամաձայնվե՞նք մենք դրան, թե մեզ մի քանի օր պետք կլինի, որ էն ինչ-որ կա մի քիչ էլ տան, պիտի որոշի վիճակին ամբողջությամբ տիրապետողը։ Իմ կարծիքով՝ առաջարկելուց հետո որոշակի ժամանակ է պետք»,- ասել է Սարգսյանը։

Մանրամասները՝ տեսանյութում։

--0--ԿԿ