ԵՐԵՎԱՆ, ՆՈՅԵՄԲԵՐԻ 8, 24News
Առաջին համաշխարհային պատերազմի ավարտից ի վեր, ամեն տարի նոյեմբեր ամսվա երկրորդ կիրակի օրը կամ նոյեմբերի 11-ի մոտակա կիրակին, Միացյալ Թագավորությունը և Համագործակցության մյուս երկրները նշում են Հիշատակի օրը՝ հարգելու բոլոր հակամարտություններում զոհվածների հիշատակը:
Հայաստանում ՄԹ դեսպանատան ֆեյսբուքյան էջում նշված է, որ այսօր Հայաստանում Միացյալ Թագավորության գործերի ժամանակավոր հավատարմատար, դեսպան Հելեն Ֆեյզին դիվանագիտական առաքելությունների և միջկառավարական կազմակերպությունների ղեկավարների, Հայաստանի բարձրաստիճան պաշտոնյաների, բրիտանական և Համագործակցության երկրների համայնքների ներկայացուցիչների և այլոց հետ ծաղկեպսակներ են դրել Երևանի «Հաղթանակ» զբոսայգու անմար կրակի մոտ: Հիշատակի օրվա արարողության ընթացքում աղոթք է հնչեցրել Մայր Աթոռ Ս․ Էջմիածնի Քարոզչական կենտրոնի տնօրեն Հայր Գարեգին վարդապետ Համբարձումյանը։
--0--ԿԿ