Ադրբեջանցիները Սոթք չեն մտել. ՊՆ-ն ու վարչապետի խոսնակը հերքում են

ԵՐԵՎԱՆ, ՆՈՅԵՄԲԵՐԻ 26, 24News

ՊՆ Մանե

ՀՀ պաշտպանության նախարարությունը հայտարարում է` տարբեր լրատվամիջոցներով շրջանառվող լուրերը, թե ադրբեջանցի զինվորականներ են ներխուժել Սոթքի ոսկու հանքավայր և աշխատակիցներից պահանջել ազատել տարածքը` չեն համապատասխանում իրականությանը:

Վարչապետի մամուլի խոսնակ Մանե Գևորգյանը ևս կտրականապես հերքում է տարածված լուրերը, թե ադրբեջանական բանակը Սոթքի ոսկու հանքավայր է մտել: «Արմենպրես»-ի հետ զրույցում նա նշել է.

«Շրջանառվող տեղեկությունները որևէ կապ չունեն իրականության հետ»:

Ավելի վաղ լուրեր էին շրջանառվել, որ ադրբեջանական բանակը մտել է՝ Սոթքի հանքավայրի տարածք և աշխատակիցներին մեկ ժամ ժամանակ է տվել դուրս գալու համար: