ԵՐԵՎԱՆ, ԴԵԿՏԵՄԲԵՐԻ 14, 24News
Ռուսաստանյան ՊԴ-14 շարժիչներով ՄՍ-21-310 ինքնաթիռն առաջին թռիչքն Է կատարել: Այդ մասին «Արմենպրես»-ի հաղորդմամբ՝ տեղեկացրել է «Ռոստեխ»-ի մամուլի ծառայությունը։
Միջոցառումը տեղի Է ունեցել դեկտեմբերի 15-ին, Իրկուտսկի ավիացիոն գործարանի օդակայանում: «Այսօր «…» գործողության մեջ ենք տեսնում հետեւողական պետական քաղաքականության արդյունքը բարձրտեխնոլոգիական ճյուղերի զարգացման բնագավառում: Մեզ մոտ ձեւավորվել Է կոնստրուկտորների եւ արտադրության աշխատողների նոր սերունդ»,-մամուլի ծառայությունում մեջբերել են Ռուսաստանի արդյունաբերության եւ առեւտրի նախարարության ղեկավար Դենիս Մանտուրովի խոսքը: Թռիչքի տեւողությունը կազմել Է 1 ժամ 25 րոպե: Ինքնաթիռը վարել Է փորձարկիչ օդաչուների անձնակազմը, որոնք ստուգել են ուժային կայանքի աշխատանքի ռեժիմը, ինքնաթիռի կայունությունը եւ կառավարելիությունը, ինչպես նաեւ բոլոր համակարգերի գործելը:
«Այս թռիչքը Ռուսաստանի քաղաքացիական ավիաշինության (ՄՍ-21 ինքնաթիռի եւ ՊԴ-14 շարժիչի) երկու կարեւորագույն ծրագրերի միավորման արդյունքն Է: Գիտնականների, կոնստրուկտորների, ինժեներների, աշխատողների ջանքերով ստեղծվում Է նոր սերնդի օդանավ, որը մեր երկրին վերադարձնում Է համաշխարհային ավիացիայի բարձրագույն լիգա»,-հաղորդագրությունում մեջբերվում են «Ռոստեխ»-ի գլխավոր տնօրեն Սերգեյ Չեմեզովի խոսքերը: МС-21-300-ը մերձ- եւ միջին մագիստրալային նոր սերնդի մարդատար ինքնաթիռ Է՝ 150-ից մինչեւ 211 ուղեւորատարողությամբ: Առաջին թռիչքը կատարել Է 2017 թվականի մայիսի 28-ին: Հավաստագրման ավարտը պլանավորված Է 2020 թվականին, սերիական արտադրության գործարկումը՝ 2021 թվականին: Նոր օդանավի առաջին շահագործողը, ենթադրվում Է, կդառնա «Աերոֆլոտ»-ը: Ավելի վաղ օդանավը փորձարկումներ Է անցել Pratt & Whitney ֆիրմայի PW1400G օտարերկրյա շարժիչներով,
--00—ՄՀ