ԵՐԵՎԱՆ, ԴԵԿՏԵՄԲԵՐԻ 15, 24News
Արվեստի գործիչներն ու մշակույթի նախարարության նախկին աշխատակիցներն 24news.am-ին իրենց մտահոգությունն են հայտնել նախարարության պաշտոնական նախկին կայքէջի անհետանալու հետ կապված։ Վերջինս կցված էր նախարարության նորաստեղծ ինտերնետային էջին և հիմա արդեն տևական ժամանակ է չկա։
Խոսքը դեռևս ԿԳՄՍ նախկին նախարար Արայիկ Հարությունյանի ղեկավարման շրջանի մասին է, ում օրոք մշակույթի նկատմամբ կար խորը անընկալողականություն, կադրային, մեղմ ասած, սխալ մոտեցում և անհատների ու խմբերի նկատմամբ մեծամիտ անտարբերություն։ Նրա պաշտոնավարումը լուրջ հարված հասցրեց մշակույթի դաշտին։
Սրանով, այս պահին, գործնականում ծածկվել է նախկին նախարարների օրոք կատարված աշխատանքը, արվեստի հայտնի գործիչների կողմից արված ստեղծագործական գործերը, ներպետական ու արտասահմանյան կյանքի կոչված ծրագրերը, հստակ երևում է հաշվետվությունների տարբերությունն և արված գործի զրոյացումը։
Ըստ ոլորտի պրոֆեսիոնալների կա անհանգստություն, որ տեղի ունեցածը արվել է միտումնավորէ նախկին ժամանակներում կատարված աշխատանքը չեզոքացնելու համար` սրա հետ կապված կասկածները ավելի են խորանում, քանի որ ի պատասխան այս հարցերին նախարարությունից հայտնում են, որ հին կայքեջը արխիվացվել է ու թարմացվում է, բայց այդպես էլ տևական ժամանակ է լույս չի տեսնում։
Խնդրով հետաքրքրված մարդիկ խոսում են նրա մասին, որ եղածը կարող է լինել ոչ արհեստավարժ աշխատանքի արդյունք կամ հատուկ արված քայլի հետևանք, քանի որ այսօրվա վարչակազմը` բոլոր ոլորտների հետ կապված, վարում է մի քաղաքականություն, ինչը հակված է անտարբերության մատնելու ու վարկաբեկելու և ջնջելու մինչև իրենց իշխանության գալը արված ամեն ինչը, միայն իր իսկ գործունեությունը լույսի տակ թողնելու համար, որն իրենից, կարելի է ասել, արժեք չի ներկայացնում։ Հարցը այս պահին էլ է բաց մնում և ունենալով դետալային նշանակություն՝ խոսում է մի երկար ժամանակի գործունեության պատմության լիկվիդացման փորձի մասին։
--00--ԱԹ