ԵՐԵՎԱՆ, ԴԵԿՏԵՄԲԵՐ 5, 24News
ԵԱՏՄ թվային օրակարգի իրականացումը կօգնի լուծել մրցույթներին ընկերությունների մասնակցության խնդիրները, որոնք անցկացվում են ԵԱՏՄ անդամ երկրներում: Այս մասին Սանկտ Պետերբուրգում ասել է Հայաստանի վարչապետի պաշտոնակատար Նիկոլ Փաշինյանը ԵԱՏՄ երկրների գագաթաժողովի նախաշեմին տնտեսական տեսաբան Նիկոլայ Կորժենեւսկուն տված հարցազրույցում:
Ըստ Փաշինյանը՝ հայկական ընկերությունները հնարավորություն չունեն մասնակցելու ԵԱՏՄ երկրներում անցկացվող պետական մրցույթներին։ Հայաստանում մրցույթներին մասնակցելու հնարավորություն չունեն նաև ռուսական և ԵԱՏՄ մյուս երկրների ընկերությունները։
«ԵԱՏՄ թվային օրակարգի իրականացումը հենց այն գործիքն է, որը կարող է այս հարցը լուծել, որովհետեւ սա տեխնիկական խոչընդոտ է, ոչ մի քաղաքական խոչընդոտ չկա: Մենք կառուցողական աշխատանքի ենք տրամադրված, որպեսզի այս բոլոր հարցերը լուծենք», - ասել է Փաշինյանը: