ՊՆ ծառայողը բախվել է ավտոքարշակի հետնամասին. բժիշկները պայքարում են վիրավորի կյանքի համար

ԵՐԵՎԱՆ,  ՀՈւՆՎԱՐԻ 5,  24News

․

Այսօր՝ հունվարի 5-ին, ավտովթար է տեղի ունեցել Շիրակի մարզում: Ժամը 01:40-ի սահմաններում, Գյումրիի բնակիչ, 29-ամյա Գևորգ Ս.-ն, իր վարած ՎԱԶ-2107 մակնիշի ավտոմեքենայով, Գյումրի քաղաքի Երևանյան խճուղում, դեռևս անհայտ հանգամանքներում բախվել է մայթեզրին կայանված՝ Գյումրիի բնակիչ, 34-ամյա Ռուբեն Ս.-ի կողմից շահագործվող ԳԱԶ-5204 մակնիշի ավտոմեքենայի հետնամասին: Ինչպես հայտնում է ֆոտոլրագրող Գագիկ Շամշյանը, վթարի հետևանքով 07-ի վարորդ Գևորգ Ս.-ն դեմքի մասում բազմաթիվ սալջարդ վերքերով տեղափոխվել է Գյումրիի բժշկական կենտրոն:

Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Պետրոս Պետրոսյանի գլխավորությամբ: Տեղում հետաքննչական աշխատանքները ղեկավարել է նույն վաշտի ավագ հետաքննիչ Դավիթ Ասատրյանը, ում կողմից փաստի առթիվ նյութեր են նախապատրաստվում:

Վթարի մասին ՃՈ 1-77 օպերատիվ կառավարրման կենտրոնի պատասխանատու հերթապահ Տիգրան Բարսեղյան տեղեկությունը փոխանցել է ոստիկանության Կումայրիի բաժին, որտեղից ժամանել է օպերատիվ խումբը՝ օրվա պատասխանատու հերթապահի գլխավորությամբ:

Գ. Շամշյանի տեղեկություններով, Գևորգ Ս.-ն ծառայում է ՀՀ ՊՆ N զորամասում՝ որպես ինժեներ։

--0--ԱՀ