ՌԴ-ն պաշտոնապես արձանագրեց՝ դավաճանը միջազգային ասպարեզ սպրդած սուտասան է

 

ԵՐԵՎԱՆ, ՀՈւՆՎԱՐԻ 13, 24News

Աշոտյան

ՀՀԿ փոխխոսնակ Արմեն Աշոտյանը ֆեյսբուքյան էջում գրել է.

«ԵԱՀԿ ՄԽ ռուսաստանյան համանախագահ Պոպովի այսօրվա պաշտոնական պարզաբանումը իր հիմնական շեշտադրումներով բառ առ բառ համընկնում է Արցախյան բանակցությունների մասին մեր կողմից քանիցս տրված տեղեկատվության հետ։

Պոպովը փաստեց, որ՝

Կարգավորման ոչ մի հիմնարար սկզբունքի և էլեմենտի մասով մենք երբեք որևէ բան չենք թաքցրել ժողովրդից։

Մինչև 2018 բանակցված փաստաթուղթը, լինելով փոխզիջումային, մշտապես ներառել է Արցախի ժողովրդի ինքնորոշման իրավունքի իրագործման միջազգային երաշխիքները։

Արցախին տրվելու էր միջանկյալ կարգավիճակ, որն անհամեմատ բարձր էր իր ունեցած դե ֆակտո կարգավիճակից։

Արցախի վերջնական կարգավիճակի հարցը եղել է բանակցային գործընթացի անկյունաքարը՝ իր հստակ լուծումով։

Լաչինի և Քելբաջարի վերադարձի հարցը կարգավորվելու էր միայն Արցախի վերջնական կարգավիճակի խնդիրը լուծելուց հետո։

Ոչ մի խոսք չի եղել երբեք Ադրբեջանին դեպի Նախիջևան տրվող ճանապարհների և կոմունիկացիաների մասին։

Մինչև 2018 թվական եղել է կանոնավոր բանակցային գործընթաց, որը խաթարվեց Նիկոլ Փաշինյանի պատճառով, ինչը դարձավ աղետաբեր պատերազմի հիմնական պատճառը։

Ռուսաստանը այսպիսով պաշտոնապես արձանագրեց Սերժ Սարգսյանի թողած բանակցային հայանպաստ ժառանգությունը։

Ռուսաստանը պաշտոնապես արձանագրեց նաեւ, որ դավաճանը միջազգային ասպարեզ սպրդած արկածախնդիր սուտասան է։

Հ.Գ. Ի՞նչ եք կարծում, Ռուսաստանի կողմից Նիկոլին հերթական նվասատացման համար ռուսերեն որ բառն է ավելի բնութագրական. пощечина, затрещина или оплеуха? »:

--00--ԱԹ