Էկոնոմիկայի նախարարը կգործուղվի Իրան. այցի նպատակը հայտնի է

ԵՐԵՎԱՆ, ՀՈՒՆՎԱՐԻ 21, 24News

վահան

ՀՀ վարչապետ Նիկոլ Փաշինյանի որոշման համաձայն՝ Էկոնոմիկայի նախարար Վահան Քերոբյանը կգործուղվի Իրանի Իսլամական Հանրապետություն` երկկողմ առևտրատնտեսական համագործակցության զարգացման հեռանկարները քննարկելու նպատակով: Այդ մասին որոշումը հրապարկվել է կառավարության պաշտոնական կայքէջում:

«Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելու նպատակով Հայաստանի Հանրապետության էկոնոմիկայի նախարար Վահան Քերոբյանին, Հայաստանի Հանրապետության էկոնոմիկայի նախարարության արտաքին կապերի վարչության պետ Արմեն Այվազյանին և Հայաստանի Հանրապետության արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանին 2021 թվականի հունվարի 22-26-ը գործուղել Իրանի Իսլամական Հանրապետություն (Թեհրան)»,- ասված է որոշման մեջ:

--00—ԼՄ