ԵՐԵՎԱՆ, ՀՈՒՆՎԱՐԻ 22, 24News
ՌԴ ՊՆ-ն հայտնում է, որ ռուս խաղաղապահների ուղեկցությամբ Երևանից հունվարի 21-ին 87 արցախցի է վերադարձել Ստեփանակերտ: Նրանց տեղափոխող ավտոբուսներն ուղեկցվել են ռուս խաղաղապահների և ռազմական ոստիկանության կողմից:
Խաղաղապահները իրավիճակի շուրջօրյա դիտարկում են անցկացնում և վերահսկողություն են իրականացնում հրադադարի ռեժիմի պահպանման նկատմամբ 23 դիտակետերում, ապահովում են քաղաքացիների անվտանգ վերադարձը իրենց բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները:
Ըստ գերատեսչության՝ ընդհանուր առմամբ 50 հազար 390 արցախցի արդեն վերադարձել է Լեռնային Ղարաբաղի՝ իրենց մշտական բնակության վայրերը:
--00—ԼՄ