ԵՐԵՎԱՆ, ՀՈՒՆՎԱՐԻ 26, 24News
Միջազգայնագետ Սուրեն Սարգսյանը գրառում է արել ֆեյսբուքյան էջում և մեկ անգամ ևս ՀՀ վարչապետ Նիկոլ Փաշինյանին առաջարկել, որ զանգի ԱՄՆ նորընտիր նախագահ Ջո Բայդենին: Ֆեյսբուքյան իր էջում նա նաև կետեր է առաջարկել՝ հուշելով, թե ինչ թեմաների շուրջ ծավալել հեռախոսազրույցը:
«Նորից եմ առաջարկում, զանգի՛ր Բայդենին...
1. Շնորհավորի՛ր:
2. Եթե չես կարողանում քաղաքական օրակարգ ձևավորել, տնտեսական օրակարգ ձևավորիր: Առաջարկիր տնտեսական պրոյեկտներ: (1000 անգամ ասել եմ՝ ինչ տեսակի): Խոստացիր, որ ամերիկյան ներդրումները Հայաստանում չեն ճնշվի:
3. Առաջարկիր տեխնիկական աջակցություն Իրան-ԱՄՆ հնարավոր գագաթնաժողովի համար (ադրբեջանցիք արդեն բզբզում են):
4. Հաստատիր, որ մինչ ապրիլի 24-ը հայ-թուրքական երկխոսություն չես սկսելու (դա իրեն խանգարելու է ճանաչման հարցում), (դա թուրքական ռազմավարությունն է հնարավոր ճանաչումը չեղարկելու համար՝ հղում անելով երկխոսությանը):
5. Խնդրիր գոնե 10-15 ռազմագերիների վերադարձ կազմակերպել իր հովանու ներքո: Չի մերժի, նման հումանիտար ակցիան իրեն էլ է պետք: Ալիևն էլ իրեն չի մերժի, չի կարող:
6. Շնորհակալություն հայտնիր 907-րդ բանաձևի վերաբերյալ դիրքորոշման համար (մնացածը իրենք կհասկանան):
7. Բարձրացրու «Հազարամյակի մարտահրավերների» հարցը: Մենք արդեն համապատասպանում ենք բաղադրիչներին (վատ տնտեսական ցուցանիշների պատճառով):
8. Վերջապես բացատրիր, (մեզ չէ, գոնե, իրեն) հասկանա Արցախի հարցում, թե ինչ ես ուզում և անում:
Նոյեմբերի 8-ից առաջարկում եմ», - գրել է միջազգայնագետը:
--00—ԼՄ