Բացահայտվել է հանցագործության 55 դեպք, որից 3-ը՝ նախկինում կատարված

ԵՐԵՎԱՆ,  ՀՈւՆՎԱՐԻ 27,  24News  

հանցագործություն

Ըստ ոստիկանության օպերատիվ հաղորդագրությունների ամփոփագրերի՝ հունվարի 26-ից 27-ը Հայաստանի Հանրապետության ոստիկանության ստորաբաժանումները բացահայտել են հանցագործության 55 դեպք, որից 3-ը՝ նախկինում կատարված։

Մասնավորապես՝ անձնական ունեցվածքի գողության՝ 18, խարդախության` 9, բնակարանային գողության՝ 5, կաշառակերության՝ 4, մարմնական վնասվածք պատճառելու և կողոպուտի՝ 3-ական, անձի առևանգման՝ 2, գույքը դիտավորությամբ վնասելու, համակարգչային հանցագործության, խուլիգանության, ծեծի, 16 տարին չլրացած անձի հետ սեռական հարաբերություն ունենալու, ակնհայտ հանցավոր ճանապարհով ձեռք բերված գույքի ձեռքբերման, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, որն առաջացրել է հիվանդի մահ ու փաստաթղթի հափշտակության՝ 1-ական դեպք։

Հայտնաբերվել է 5 հետախուզվող։ Կամավոր ներկայացել է 1 հետախուզվող։

Գրանցվել է զենք-զինամթերքի կամավոր հանձնման 6 դեպք։

Նախկինում կատարված հանցագործություններից բացահայտվել է անձնական ունեցվածքի գողության 3 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար. 2 մարդ զոհվել է, 21-ը՝ ստացել տարբեր աստիճանի մարմնական վնասվածքներ:

 --00—ՄՀ