ԵՐԵՎԱՆ, ՀՈՒՆՎԱՐԻ 30, 24News
Լեհ քաղաքական գործիչ Թոմաշ Լեխ Բուչեկը Twitter-ի իր միկրոբլոգում հայտարարել է Ադրբեջանում պահվող հայ գերիների վերադարձի համար միջազգային արշավի մեկնարկի մասին:
Այդ մասին թվիթում նա հրապարակել է պաստառ, որի վրա գրված է. «Աշխարհը պետք է միջոցներ ձեռնարկի ազատ արձակելու համար Ադրբեջանի կողմից պահվող հայ ռազմագերիներին: Ազատ արձակեք հայ գերիներին»:
Ավելի վաղ Բուչեկը նախաձեռնել էր Արցախում հայերի դեմ Ադրբեջանի իրականացրած ռազմական հանցագործությունների վկայությունները պարունակող բրոշյուրի հրատարակում: Բրոշյուրն ուղարկվելու է տարատեսակ միջազգային կազմակերպություններին ու քաղաքական գործիչների:
--00—ԼՄ