Մելքումյանը կարևորել է Բելառուսի հետ համագործակցությունը ԵԱՏՄ շրջանակում

ԵՐԵՎԱՆ,  ՓԵՏՐՎԱՐԻ 2,  24News   

Մելքումյան

ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը փետրվարի 2-ին հանդիպել է մեր երկրում Բելառուսի արտակարգ և լիազոր դեսպան Ալեքսանդր Կոնյուկի հետ: 

Մելքումյանը շնորհավորել է դեսպանին նման պատասխանատու պաշտոնում նշանակվելու կապակցությամբ: Նա կարևորել է Բելառուսի հետ համագործակցությունը ԵԱՏՄ շրջանակում, մասնավորապես համատեղ ջանքերը գազի գնի հարցում միասնական մոտեցում ցուցաբերելու առումով:

Ալեքսանդր Կոնյուկը կոնկրետ ծրագրերի մասով տեղեկացրել է, որ իրենք առաջարկել են ստեղծել հայ-բելառուսական համատեղ ընկերություն, որը կզբաղվի վերելակների արտադրությամբ:

Միքայել Մելքումյանը շնորհավորել է բելառուս ժողովրդին Օստրովեցի նորակառույց ատոմակայանի շահագործման առթիվ՝ ընդգծելով Մեծամորի ատոմակայանի աշխատակիցների դերը հատկապես տուրբինային արտադրամասի շահագործման հարցում:

--00—ՄՀ