ԵՐԵՎԱՆ, ՓԵՏՐՎԱՐԻ 3, 24News
Հայաստանի ֆուտբոլի ազգային թիմի և Երևանի «Արարատ-Արմենիա»-ի նախկին գլխավոր մարզիչ Վարդան Մինասյանը պաշտոնապես գլխավորեց ղազախական «Տարազ» ֆուտբոլային ակումբը:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Հայազգի մասնագետն արդեն իսկ հանդիպել է ակումբի ֆուտբոլիստների հետ և հույս հայտնել, որ նրանց համագործակցությունը կստացվի:
Մինասյանը մարզչական կարիերան սկսել է 2004 թվականին՝ Հայաստանի երիտասարդական հավաքականում, այնուհետ «Փյունիկ»-ում, «Արարատ-Արմենիա»-ում և Հայաստանի ազգային հավաքականում: Մինասյանի գլխավորությամբ «Արարատ-Արմենիան» անցկացրել է 69 խաղ, տոնել 41 հաղթանակ, գրանցել 14 ոչ-ոքի և կրել 14 պարտություն:
Նա եղել է նաև ղազախական «Տոբոլ»-ը մարզիչը: Ղազախական թիմի ղեկը նա ստանձնել է 2014 թվականի ապրիլին, իսկ 2015 թվականին հեռացվել է զբաղեցրած պաշտոնից:
--00—ՄՀ