ԵՐԵՎԱՆ, ՓԵՏՐՎԱՐԻ 5, 24News
Եվրասիական տնտեսական միության (ԵԱՏՄ) երկրների վարչապետները ուրբաթ Ալմաթայում սկսելեն հանդիպում՝ Եվրասիական միջկառավարական խորհրդի աշխատանքների շրջանակներում: Հանդիպումն անցկացվում է նեղ շրջանակով և դռնփակ ձևաչափով:
Միջոցառմանը մասնակցում են Ռուսաստանի վարչապետ Միխայիլ Միշուստինը, Ղազախստանի վարչապետ Ասկար Մամինը, Հայաստանի վարչապետ Նիկոլ Փաշինյանը, Բելառուսի վարչապետ Ռոման Գոլովչենկոն և Ղրղզստանի վարչապետ Ուլուկբեկ Մարիպովը, որն այս պաշտոնում նշանակվել էր փետրվարի 3-ին, նաև նաև Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը:
Այնուհետև տեղի կունենա Եվրասիական միջկառավարական խորհրդի նիստ ընդլայնված կազմով` ԵԱՏՄ-ում դիտորդ երկրների ներկայացուցիչների մասնակցությամբ: Ակնկալվում է, որ հանդիպմանը Մոլդովայի վարչապետի պաշտոնակատար Աուրել Չոկոյը միանալու է տեսակապի միջոցով. սա կլինի նրա առաջին մասնակցությունը ԵԱՏՄ միջոցառմանը հանրապետությունում կառավարության փոփոխությունից հետո: Նախատեսվում է նաև Կուբայի վարչապետ Մանուել Մարերո Կրուսի տեսաուղերձը: Ուզբեկստանի վարչապետ Աբդուլլա Արիպովն անձամբ կմասնակցի նիստին:
--0--ԿԿ