ԵՐԵՎԱՆ, ՓԵՏՐՎԱՐԻ 13, 24News
Արարատի մարզի Արմաշ գյուղի մի քանի բնակիչներ ահազանգել են գյուղապետարան, որ մեկ օր առաջ կասկածելի հանգամանքներում հրդեհ է բռնկվել իրենց կողմից տարիներ առաջ ստեղծված ծիրանի, խնձորի, խաղողի և մի քանի այլ մրգատու ծառերի այգիներում: Այս մասին հայտնում է Shamshyan.com-ը: Այգիներում առաջացած կրակի մասին երբ իմացել են, շտապել են հրդեհի վայր և սեփական ուժերով նախ կանխել են կրակի տարածումը, ապա մարել այն: Ոստիկանությունը մեկ ժամից ավելի` տեղում է:
Գյուղացիներն ասում են.
«Հալալ քրտինքով մեր ընտանիքներով ստեղծել ենք այս այգիները: 15-20 տարի, կարելի է ասել, 24 ժամ խնամել ենք: Արդեն նույնիսկ միրգն էինք հավաքում, վաճառում ու բանկերի վարկերն էինք հազիվ մուծում, մի քանի կոպեկ էլ մնում էր՝ հոգում էինք մեր սոցիալակա խնդիրները: Կրակը այնքան արագ էր տարածվում, որ նույնիսկ չհացրեցինք զանգահարել ԱԻՆ: Մեր ուժերով սաղ հանգցրեցինք: Ցավոք, մոտ 500 ծառ բներով այրվել են: Երևի 80 տոկոսն էլ բերք չտա: Ո՛չ թշնամիներ ունենք, ո՛չ էլ չուզողներ: Թե ո՞վ է դիտմամբ կամ անփութությամբ կրակի մատնել մեր քրտինքը, չենք արող ասել: Դիմել ենք գյուղապետարան: Գյուղապետն օպերատիվորեն արձագանքել է, գյուղապետից գոհ ենք, ինչ հնարավոր է՝ արել է: Հիմա ուզում ենք Արարատի ոստիկանությունն ու հրշեջ-փրկարարները հետաքննություն կատարեն, իմանանք՝ սա միտումնավոր է արվել, թե անփութություն է: Միլիոնների վնաս ենք կրել: Մեծ թվով ծառեր պետք է արդեն հանենք, տեղը նոր տնկիներ տնկենք ու էլի մի քանի տարի խնամենք, որ հետո դրա բերքը քաղենք: Չգիտենք, արդյո՞ք Արարատի մարզպետարանը մի բանով մեզ սատար կկանգնի, թե ոչ»:
Փաստի առթիվ ոստիկանության Արարատի բաժնի հետաքննչական բաժանմունքում նյութեր են նախապատրաստվում: Պարզվում է տուժած քաղաքացիների ինքնությունն ու ինչքան վնաս են կրել նրանք:
--00--ԱԹ