Փաշինյանին մեղադրանք կառաջադրվի դավաճանության հաստատման դեպքում․ Արա Զոհրաբյան

ԵՐԵՎԱՆ, ՓԵՏՐՎԱՐԻ 16, 24News

Չեմ խախտում որևէ մեկի անմեղության կանխավարկածը, բայց եթե ապացույցներ լինեն, որ Փաշինյանի գործողություններում կա դավաճանության հանցակազմ, ապա մեղադրանք կառաջադրվի և քրեական հետապնդում կիրականացվի։ Այստեղ իշխանությունները ևս պետք է շահագրգռված լինեն, որ գործը բացահայտվի։ Այս մասին 24TV-ի եթերում ասել է Փաստաբանների պալատի նախագահ Արա Զոհրաբյանը:

«Այս իշխանության օրոք կատարվող գործողությունները մեր ինքնիշխանությունից մեկ կտոր պոկելու գործընթացներ են, և որքան այսպես շարունակվի, մեզ համար ավելի դժվար է լինելու հետագայում վերականգնելը, ավելին՝ այսօր մեկ փոքրիկ գործողությամբ մեկ քար է հանվում մեր ինքնիշխանությունից, վաղը այդ քարը հետ դնելու համար ահռելի ջանքեր են գործադրվելու»,- նշել է Զոհրաբյանը:

«Այն իրադարձությունները, որոնք տեղի են ունենում այս օրերին Սյունիքում, այնքան աբսուրդային են և ֆանտաստիկ, որ մարդիկ տեսնելով չեն հավատում: Շուռնուխի բնակիչն ունի ՀՀ սեփականության վկայական, պետությունը ճանաչում և պաշտպանում է այդ իրավունքը, բայց նրա տան դուռը ծեծում է ադրբեջանցի զինվորականը և ասում՝ ձեզ այսքան ժամանակ, ազատեք տարածքը»,- ասել է Զոհրաբյանը:

Մանրամասները՝ տեսանյութում:

--0--ԿԿ