Արմեն Սարգսյանը արել է առաջին ողջունելի քայլը և չի վավերացրել ԱԺ ընդունած մի շարք օրենքներ

ԵՐԵՎԱՆ, ՓԵՏՐՎԱՐԻ 24, 24News 

․

Փետրվար 22-ին, Հայրենիքի Փրկության շարժման երթի ընթացքում, հազարավոր քաղաքացիներ Բաղրամյան պողոտայով անցնելիս, կանգ առան ՀՀ Նախագահի նստավայրի առաջ։ Այդ օրը հազարավոր մեր քաղաքացիների անունից Նախագահ Սարգսյանին ներկայացրեցի մի շարք պահանջներ, հիշեցնելով, որ նա, Հայոց զույգ Կաթողիկոսները, Գիտությունների Ակադեմիայի նախագահությունը, Մայր ԲՈՒՀ-ի գիտխորհուրդը, տասնյակ գիտական հաստատություններ, մտավորականներ, բժիշկներ, սպորտսմեններ, ստեղծագործական միություններ հանդես են եկել Փաշինյանի եւ կառավարության հրաժարականի պահանջով։ Այս մասին ֆեյսբուքյան իր էջում գրել է «Երկիր մեդիա» հեռուստաընկերության լրատվական-վերլուծական բաժնի տնօրեն Գեղամ Մանուկյանը:

«Կոչ արեցինք, իբրեւ դրա վերահաստատում, Նախագահի կողմից չհաստատվեն կառավարության ու իշխանությունների կողմից ներկայացված փաստաթղթերն ու օրենքները։ Այսօր Նախագահ Սարգսյանը արել է առաջին ողջունելի քայլը եւ չի վավերացրել իշխանությունների գրպանային դատարաններ ստեղծելու նպատակով ԱԺ ընդունած մի շարք օրենքներ»,- գրել է Գեղամյանը:

Հիշեցնենք, որ ՀՀ նախագահը չի ստորագրել «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» և «Արդարադատության ակադեմիայի մասին» օրենքում լրացում և փոփոխություն կատարելու մասին» օրենքները:

--00--ԱՀ