Եթե զգում եք երկիրը վարի տալու գործընթացն ու սիրտներդ ցավում է, դուրս եկեք փողոց

ԵՐԵՎԱՆ, ՓԵՏՐՎԱՐԻ 28, 24News

սարհատ

Կադաստրի պետական կոմիտեի նախկին ղեկավար Սարհատ Պետրոսյանը ֆեյսբուքյան էջում գրառում է արել Հայաստանում տիրող ներքաղաքական իրավիճակի վերաբերյալ:    

«Մանիպուլացիա թիվ 12.

Չաուշեսկոյի ներկայացում են անում, Բաղրամյանում խորոված են անում, էդ չե՞ն…

Հիպոթետիկ ընդունենք, որ Չաուշեսկոյի ներկայացումը շատ անընդունելի է, իսկ խորոված անելն ահավոր տգեղ բան։ Դրա մասին գրել եք այս օրերին։ Ու ավելին, դուք նույն կերպ քննադատել եք, երբ 2018-ին դագաղներ ու ծաղկեպսակներ էին դնում պատգամավորների համար, ինչպես նաև էլ ավելի խիստ քննադատել եք 2018-ի ու Քաղաքացու օրվա փողոցային խորովածները։

Այս քննադատությանը հաջորդած շրջանում, սակայն ողջունել եք «ժողովրդավարության բաստիոնի» մնացած «բարեփոխումները» դատական համակարգում կամ ոստիկանությունում կամ «այլ պետությունների գործակալական ցանցերի բացահայտումը»:

Այսինքն՝ ձեզ համար նորմալ է երբ «բռնություն քարոզող» պերֆորմանսի և փողոցային խորովածից հետո, դեռ հանուն ինչ-որ արժեքների պատրաստ եք սատարել ձեր արժեքային համակարգից բխող քայլերին։ Ուստի եթե զգում եք երկիրը վարի տալու գործընթացն ու սիրտներդ ցավում է մեր՝ արդեն եղած ու սպասվելիք կորուստների համար, ապա դուրս եկեք փողոց ու ձեր ուզած ձևաչափով պահանջեք իշխանության հրաժարականը։ Հիշեցնեմ դրանից հետո դեռ ունենալու եք հնարավորություն որոշելու նախկին, ներկա, թե ապագա որ ուժին եք ընտրելու։

Իսկ եթե դուք դա չեք անում, ապա երկարացնում եք հողատուի քաղաքական կյանքն իր ատրիբուտիկայով»։

--00—ԼՄ

Տեսանյութեր

Live

Լրահոս