ԵՐԵՎԱՆ, ՄԱՐՏԻ 1, 24News
Նախկին փոխոստիկանապետ Հովհաննես Քոչարյանը ֆեյսբուքյան իր էջում գրել է․
«Քաղաքական ճգնաժամի պայամններում հիշել են Հանրապետության նախագահի լիազորությունները: Բայց ինչ լիազորություններ ունի նախագահը Սահմանադրության պահպանման ոլորտում, երբ խոսքը գնում է պաշտոնատար անձանց նշանակման մասին:
Վարչապետի՝ սրան -նրան պաշտոնի նշանակելու կամ ազատելու առաջարկությունների սահմանադրականության ստուգումը որն է: Սահմանադրական դատարանը ոնց է ստուգելու մի փաստաթղթի սահմանադրականություն, որն անգամ իրավանորմ չի պարունակում:
Սահմանադրական դատարանն ու նախագահը բան ու գործ չունեն հա, պիտի զբաղվեն վարչապետի առաջարկություններ ներկայացնելու իրավական ձևական մեխանիզմների պահպանման նկատմամբ ստուգումներ իրականացնելով ու սրա անունն էլ դնեն ճգնաժամի սահմանադրական հաղթահարում:
Նախագահն իր սահմանադրական առաքելությանն համարժեք լիազորություններ չունի ու դեռ այս պայմաններում իրավունքի որոշ «լուսատուների» կողմից նրա ծիսական շարժումներն անգամ որակվում են սահմանադրության կոպիտ խախտում: Սահմանադրության խախտում չի, ուղեղի խախտում է: Ազգովի տգիտության պատանդ ենք»։
--0--ԿԿ