ԵՐԵՎԱՆ, ՄԱՐՏԻ 2, 24News
Ճանապարհային ոստիկանությունը վարորդներին հորդորում է խստագույնս պահպանել ճանապարհային երթևեկության անվտանգության կանոնները՝ պայմանավորված եղանակային անբարենպաստ պայմաններով:
«Հարգելի´ վարորդներ, զգուշացնում ենք, որ հանրապետության ողջ տարածքում ավտոճանապարհները սառցակալած են, իսկ Սյունիքի մարզում տեղում է ձյուն:
Դիլիջանի և Սպիտակի ոլորանները փակ են կցորդիչներով բեռնատարների երթևեկության համար, Վարդենյաց լեռնանցքը` բոլոր տեսակի տրանսպորտային միջոցների համար:
Հաշվի առնելով վերը նշվածը, հորդորում ենք մեքենան վարել բացառապես ձմեռային անվադողերով` խստագույնս պահպանելով ճանապարհային երթևեկության անվտանգության կանոնները»,- ասված է հայտարարությունում:
--00—ԼՄ