ԵՐԵՎԱՆ, ՄԱՐՏԻ 2, 24News
Վարչապետ Նիկոլ Փաշինյանի՝ ՀՀ զինված ուժերի գլխավոր շտաբի պետ Օնիկ Գասպարյանին պաշտոնից ազատելու առաջարկը, կարող է իրավունքի ուժով առավելագույնը մարտի 4-ին մտնել ուժի մեջ, այս մասին հայտնում է սահմանադրագետ Արամ Վարդևանյանը։
«1) Հանրապետության նախագահը փետրվարի 27-ին առարկություններով վերադարձրեց-գեներալ-գնդապետ Օնիկ Գասպարյանին ազատելու վարչապետի առաջարկությունը՝ հիմք ընդունելով, որ այն առերևույթ հակասում է Սահմանադրությանը:
2) Այսօր հայտարարությամբ արձանագրում է, որ իր կողմից արձանագրած այդ առերևույթ հակասահմանադրսական հրամանագրի վերաբերյալ չի ստորագրելու: Բայց մի օրենքի մասով, որն առհասարակ չկար առարկություններում, դիմելու է ՍԴ:
3) Այսինքն՝ ըստ նախագահի, առերևույթ սահմանադրական խնդիր ունեցող նորմը կարող է իրավունքի ուժով առավելագույնը մարտի 4-ին մտնել ուժի մեջ:
4) Ցավում եմ, որ վահագհովակիմյանները և վարչապետի պաշտոն զբաղեղնողը նախագահի համար գերակայող եղան Սահմանադրությունից ու բանակից: Ցավում եմ, որ նման զիջման կարող էր գնալ նախագահը, այն էլ՝ նման պայմաններում: Ափսոսում եմ...», - ֆեյսբուքյան էջում գրել է Վարդևանյանը։
Ավելի վաղ հայտնել էինք, որ քիչ առաջ ՀՀ նախագահի մամուլի ծառայությունը հայտարարություն էր տարածել, համաձայն որի՝ Հանրապետության նախագահը որոշել է չստորագրել ՀՀ վարչապետի՝ Օնիկ Գասպարյանին ԳՇ պետի պաշտոնից ազատելու մասին հրամանագրի նախագիծը:
Սակայն նկատենք, ըստ սահմանադրության, Օնիկ Գասպարյանին աշխատանքից ազատելու մասին հրամանագիրը ինքնաբերաբար ուժի մեջ է մտնելու։ Օրենքի համաձայն՝ եթե նախագահը չի ուղարկում վարչապետի հրամանագրի նախագիծը Սահմանադրական դատարան, ապա եռօրյա ժամկետը լրանալուց հետո հրամանագիրն ինքնաբերաբեր ուժի մեջ է մտնում: Եթե մինչ մարտի 3-ը ներառյալ նախագահը Սահմանադրական դատարան չի ուղարկում Գլխավոր շտաբի պետի պաշտոնանկության մասին հրամանագրի նախագիծը, ապա Օնիկ Գասպարյանը ինքնաբերաբար հրաժարական է տալիս մարտի 4-ին:
Առավել մանրամասն՝ այստեղ։
--00—ԼՄ