ԵՐԵՎԱՆ, ԴԵԿՏԵՄԲԵՐ 13, 24News
Ըստ ոստիկանության օպերատիվ հաղորդագրությունների ամփոփագրերի` դեկտեմբերի 12-ից 13-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 39 դեպք։
Մասնավորապես՝ մարմնական վնասվածք հասցնելու 9, ծեծի 6, անձնական ունեցվածքի գողության 5, խարդախության 4, սպանության սպառնալիքի 3, ապօրինի ծառահատման և պաշտոնեական կեղծիքի կամ անփութության 2-ական, անձի առևանգման, պետական հասարական ունեցվածքի գողության, յուրացման կամ վատնման, պաշտոնեական լիազորությունների չարաշահման, գույքի դիտավորությամբ ոչնչացման սպառնալիքի, բնակարանի անձեռնամխելիությունը խախտելու, ընտրությունների կամ քվեարկության արդյունքները կեղծելու ու ընտրողին ուղղորդելու 1-ական դեպք։
Հայտնաբերվել է 3 հետախուզվող, կամավոր ներկայացել է 5-ը:
Նախկինում կատարված հանցագործություններից բացահայտվել է անձնական ունեցվածքի գողության 4, բնակարանային գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 15 պատահար, ինչի հետևանքով 1 մարդ զոհվել է, 15-ը՝ ստացել տարբեր աստիճանի մարմնական վնասվածքներ: