ԵՐԵՎԱՆ, ՄԱՐՏԻ 3, 24News
Վազգեն Մանուկյանի նկատմամբ փետրվարի 20-ին անկախ Հայաստանի Քննչական կոմիտեն քրգործ է հարուցել, այսօր ծանուցագիր է եկել։ Այս մասին Բաղրամյան պողոտայում «Հայրենքի փրկության շարժման» հանրահավաքի ժամանակ հայտարարել է ՀՅԴ անդամ Գեղամ Մանուկյանը:
Ըստ Մանուկյանի՝ Վազգեն Մանուկյանը մեղադրվում է 300.1 հոդվածով՝ սահմանադրական կարգի տապալում:
«Այդ հոդվածը կա Իշխան Սաղաթելյանի վրա, կարծեմ իմ վրա էլ կա: Անկախ Հայաստանի ՔԿ-ն 2021-ի փետրվարի 20-ին մեղադրանք է ներկայացրել 1988 թվականի փետրվարի 20-ին արցախյան շարժման առաջին հանրահավաքի կազմակերպիչ, Ղարաբաղ կոմիտեի նախագահ Վազգեն Մանուկյանի դեմ: Ոչինչ Վազգեն Մանուկյանն ու ուրիշները սովոր են, վարժ են, կարող են 10 հատ ծանուցագիր ուղարկել»,-ասել է նա։
--00—ՄՀ