ԵՐԵՎԱՆ, ԴԵԿՏՈՄԲԵՐ 13, 24News
ՀՀ նախկին փոխվարչապետ Արմեն Գեւորգյանին կալանավորելու հիմքեր չկան, սակայն, եթե դատարանը այդպիսի հիմքեր տեսնի, նրա պաշտպանները կմիջնորդեն, որպեսզի կիրառվի կալանավորման այլընտրանքային միջոց՝ գրավ: Այդ մասին այսօր՝ դեկտեմբերի 13-ին ,Երեւանի ընդհանուր իրավասության դատարանի Ավան եւ Նորք Նորք վարչական շրջանների նստավայրում լրագրողներին ասել է Արմեն Գեւորգյանի պաշտպան էրիկ Ալեքսանյանը: Նա նաև նշել է, որ, չնայած ՀՀ երկրորդ նախագահ ռոբերտ Քոչարյանի հետ նույն գործով են անցնում՝ Մարտի 1-ի, իր պաշտպանյալը նրա հետ շփում չունի։
«Արմեն Գեւորգյանը Ռոբերտ Քոչարյանի հետ շփում չունի»,- ասել է նա։
Դատարանը շարունակում է քննել նրան կալանավորելու նախաքննական մարմնի միջնորդությունը: Քննությունը դռնփակ է:
Արմեն Գեւորգյանին մեղադրանք է առաջադրվել ՀՀ ՔՕ մի քանի հոդվածներով: Մասնավորապես՝ նա մեղադրվում է ՀՀ Քրեական օրենսգրքի 311 հոդվածի 4-րդ մասի 2-րդ կետով (պաշտոնատար անձի կողմից առանձապես խոշոր չափերի կաշառք ստանալը), ՀՀ ՔՕ 190 հոդվածի 3-րդ մասի 1-ին կետով (փողերի լվացում, որը կատարվել է առանձնապես խոշոր չափերով) ՀՀ ՔՕ 38-300.1 հոդվածի 1-ին մասով (սահմանադրական կարգի տապալմանը օժանդակելը):
Ավելի վաղ Արմեն Գեւորգյանին մեղադրանք է առաջադրվել Մարտի 1-ի գործով արդարադատության կայացմանը խոչընդոտելու համար: